झापा–११ बन्यो ताप्लेजुङ गोल्डकपको सेमिफाइनल पुग्ने चौथो टोली, फिदिमसँग भेट पक्का

चौथो संस्करणको ताप्लेजुङ गोल्डकपमा सेमिफाइनल समीकरण पूरा भएको छ। सोमबार फुङलिङस्थित भानुजन माध्यमिक विद्यालयको मैदानमा भएको अन्तिम क्वाटरफाइनल खेलमा नेपाल पुलिस क्लबलाई पराजित गर्दै झापा–११ सेमिफाइनल पुग्ने चौथो टोली बनेको हो।

झापा–११ का आयुष घनालले खेल सुरु भएको पाँचौँ मिनेटमै गोल गर्दै टोलीलाई अग्रता दिलाएका थिए। उनको यही गोल निर्णायक बन्दा झापा–११ ले नेपाल पुलिस क्लबलाई १–० ले पराजित गर्दै अन्तिम चारमा स्थान बनायो।