ग्यास लुकाउनेलाई कडा कारबाही

काठमाडौँ- खाना पकाउने एलपी ग्यासको कृत्रिम अभाव देखाई तोकिएभन्दा बढी मूल्यमा बिक्री गर्ने विक्रेता तथा डिपोहरूलाई कडा कानुनी कारबाही गर्ने सरकारले जनाएको छ ।

वाणिज्य, आपूर्ति तथा उपभोक्ता संरक्षण विभागले ग्यास विक्रेता तथा डिपोले ग्यास लुकाइछिपाई आफू निकट व्यक्ति, होटेल र व्यवसायीलाई मात्र उपलब्ध गराएको तथा बढी मूल्य लिएको भन्ने गुनासोप्रति गम्भीर ध्यानाकर्षण भएको जनाएको छ।