रेडियोबाट रंगमञ्चमा गुन्जिएका अच्युत घिमिरे

कोलोराडो, अमेरिका । रातो बत्ती । कालो पर्दा । अनि रंगीन प्रकाश । हो, यो रंगमञ्च हो । तर आज कुनै नाटक मञ्चन हुँदै छैन । कुनै प्रसिद्ध कलाकार अमेरिकी सहरमा आउँदै पनि छैनन् ।

यहाँ केवल एउटा आवाज आउँदैछ । हालका लक्का जवानहरू जन्मिनु पहिल्यै रेडियोमा आयो । म गाउँमा हुँदा पनि आयो । सुर्खेत जाँदा पनि आयो । काठमाडौँमा १० वर्ष बस्दा पनि आइरह्यो । अहिले अमेरिकामा छु, यहाँसम्म आइपुग्दा पनि छाडेन । तर रेडियो होइन, युट्युबको माध्यमबाट । अझै आइरहेकै छ । बालक, किशोर, युवायुवतीदेखि वृद्धसम्म, उनको आवाज नसुन्ने यो धर्तीमा कमै छन् ।