नेपाल प्रहरीविरुद्ध ३ हजार ७५३ उजुरी : ९९ प्रतिशत फर्छ्यौट

नेपाल प्रहरीविरुद्ध तथा प्रहरीसँग सम्बन्धित विभिन्न माध्यमबाट प्राप्त भएका उजुरीमध्ये ९९ प्रतिशत फर्छ्यौट गरिएको छ।

प्रहरीको आर्थिक वर्ष २०८२/८३ को वार्षिक कार्यप्रगति विवरणअनुसार विभिन्न स्रोतबाट कुल ३ हजार ७५३ उजुरी प्राप्त भएकोमा ३ हजार ७२२ वटा फर्छ्यौट भएका छन्। ३१ वटा उजुरी भने छानबिनमै रहेका छन्। सबैभन्दा धेरै उजुरी प्रधानमन्त्री तथा मन्त्रिपरिषद्को कार्यालयअन्तर्गतको ‘हेलो सरकार’बाट आएका छन्।