११ उपमहानगरलाई ११ अर्ब ४८ करोड अनुदान, जनकपुरलाई सबैभन्दा धेरै, समानीकरणमा घोराही अगाडि

काठमाडौँ । सङ्घीय सरकारले देशका ११ वटा उपमहानगरपालिकाका लागि आगामी आर्थिक वर्षमा ११ अर्ब ४८ करोड वित्तीय हस्तान्तरण अन्तर्गतको अनुदान वितरण गर्ने भएको छ ।

सरकारले समानीकरण, सशर्त, विशेष र समपूरक गरी चार शीर्षकमा बजेट विनियोजन गरेको हो। समग्र अनुदान प्राप्तिको दृष्टिकोणले मधेस प्रदेशको जनकपुरधाम उपमहानगरपालिका अन्यको तुलनामा निकै अगाडि देखिएको छ भने दाङको घोराही र मकवानपुरको हेटौँडा उपमहानगरपालिकाले पनि उल्लेख्य बजेट प्राप्त गर्न सफल भएका छन्।