भूकम्पपछि चिनियाँ भूभागतर्फ हिमपहिरो

रसुवाको रसुवागढी सीमा क्षेत्रमा बुधबार दुईवटा भूकम्प गएको र त्यसपछि चिनियाँ भूभागतर्फ हिमपहिरो जाँदा भोटेकोशी नदीमा उच्च गति, बहाव र गेग्रानसहितको आकस्मिक बाढी आएको प्रारम्भिक अध्ययनले देखाएको छ।

जल तथा ऊर्जा आयोगको सचिवालयअन्तर्गत जलविज्ञान तथा जलस्रोत अनुसन्धान केन्द्रको बाढी पूर्वानुमान महाशाखाले भू–उपग्रहका तस्बिर तथा विभिन्न तथ्यांकको प्रारम्भिक विश्लेषणबाट सीमा क्षेत्रनजिक हिमपहिरो गएपछि अत्यधिक आकस्मिक बहाव आएको देखिएको जनाएको हो।