ह्वाइट हाउसमा बलरूम निर्माण गर्न संसद्को स्वीकृति चाहिने अदालतको फैसला, ट्रम्पद्वारा सर्वोच्च जाने घोषणा

अमेरिकाको एक संघीय अदालतले राष्ट्रपति डोनाल्ड ट्रम्पको प्रशासनलाई ह्वाइट हाउसमा बलरूम निर्माण गर्ने कार्य तत्काल रोक्न आदेश दिएको छ।

कंग्रेस (संसद्) ले उक्त परियोजनालाई अनुमोदन नगरेको उल्लेख गर्दै अदालतले यस्तो फैसला सुनाएको हो। डिस्ट्रिक अफ कोलम्बिया (डीसी) सर्किटको अमेरिकी पुनरावेदन अदालतका तीन न्यायाधीशको प्यानलले राष्ट्रपति ट्रम्पसँग गत वर्षको अन्त्यतिर भत्काइएको पूर्वी विङमा ९० हजार वर्ग फुटको बलरूम निर्माण गर्ने एकतर्फी अधिकार नभएको ठहर गरेको छ।