ग्यास अभावबारे उद्योगमन्त्री यादवले गरिन् स्थलगत अनुगमन

काठमाडौं – बजारमा खाना पकाउने एलपी ग्यासको अभाव कायमै रहेपछि उद्योग, वाणिज्य तथा आपूर्तिमन्त्री गौरीकुमारी यादवले शनिबार विभिन्न ग्यास उद्योग तथा नेपाल आयल निगमको टेकुस्थित वितरण केन्द्रको स्थलगत अनुगमन गरेकी छन् ।

अनुगमनका क्रममा मन्त्री यादवले ग्यासको आपूर्ति तथा वितरण प्रक्रियाबारे जानकारी लिनुका साथै उपभोक्ताले सहज रूपमा ग्यास पाउने व्यवस्था तत्काल मिलाउन सम्बन्धित निकायलाई निर्देशन दिएकी छन् ।