डर- मनभित्रको अदृश्य युद्ध

मानौं, तपाईं पहिलो पटक हवाई जहाज चढ्न विमानस्थल पुग्नुभएको छ। सबै प्रक्रिया पूरा भइसकेको छ। जहाजको ढोका बन्द हुन्छ। जहाज रनवेमा गुड्न थाल्छ। अचानक तपाईंको मुटुको धड्कन बढ्छ। हात पसिनाले भिज्छ। मनमा अनेकौं प्रश्न आउन थाल्छन्, 'कतै दुर्घटना त हुँदैन?', 'यदि केही भयो भने?'

अर्कोतर्फ, एउटा विद्यार्थी परीक्षा हलको ढोकामा उभिएको छ। वर्षभरि पढेको विषयवस्तु अचानक बिर्सिएजस्तो लाग्छ। प्रश्नपत्र अझै हातमा आएको छैन, तर उसले आफ्नो नतिजा मनमनै खराब भइसकेको कल्पना गरिसकेको हुन्छ।