रास्वपालाई भोट हाल्नेहरू आज सबैभन्दा बढी असुरक्षित र आतङ्कित छन्: लिङदेन

राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेनले नयाँ पार्टीलाई मतदान गर्ने सर्वसाधारणहरू नै आज सबैभन्दा बढी असुरक्षित र आतङ्कित बनेको दाबी गरेका छन्।

शनिबार आयोजित पार्टीको एक कार्यक्रमलाई सम्बोधन गर्दै अध्यक्ष लिङदेनले विगत ३५ वर्ष सत्ता चलाएका दलहरूप्रतिको आक्रोश र नयाँ शक्तिप्रतिको आशाका कारण जनताले नयाँलाई रोजे पनि नयाँ सरकार गठन भएको छोटो समयमै मुलुक घोर निराशाको बादलमा फसेको टिप्पणी गरे।