भारतमा एआईको आधार बलियो बनाउँदै माइक्रोसफ्ट, हैदराबादमा नयाँ डेटा सेन्टर सञ्चालन

काठमाडौं । भारतमा एआई र क्लाउड पूर्वाधार निर्माणको प्रतिस्पर्धा तीव्र भइरहेका बेला माइक्रोसफ्टले आफ्नो डिजिटल पूर्वाधार विस्तारलाई थप आक्रामक बनाएको छ । कम्पनीले हैदराबादमा नयाँ ‘इन्डिया साउथ सेन्ट्रल’ क्लाउड क्षेत्र औपचारिक रूपमा सञ्चालनमा ल्याएको घोषणा गरेको हो । यो भारतमा माइक्रोसफ्टले सञ्चालन गर्ने चौथो स्व-संचालित क्लाउड क्षेत्र हो ।

नयाँ क्षेत्रसँगै भारतमा माइक्रोसफ्टको क्लाउड पूर्वाधार थप विस्तार भएको छ ।कम्पनीले यसलाई देशमा एआई र क्लाउड प्रविधिको क्षमता विस्तार गर्ने आफ्नो ठूलो लगानी योजनाको महत्वपूर्ण हिस्सा मानेको छ ।