स्वास्थ्य बीमा बोर्डद्वारा सेवा प्रदायक स्वास्थ्य संस्थाहरूलाई २ अर्ब ६ करोडभन्दा बढीको दावी भुक्तानी

काठमाडौं – स्वास्थ्य बीमा बोर्डले देशभरका सेवा प्रदायक स्वास्थ्य संस्थाहरूलाई २ अर्ब ६ करोड ४३ लाख ३४ हजार ७ सय ७२ रुपैयाँ ४४ पैसा दावी भुक्तानी गरेको छ । बोर्डले आर्थिक वर्ष २०८३र८४ को स्वीकृत बजेटबाट निकासा भएको रकम प्रयोग गरी विभिन्न शीर्षकहरू कट्टा तथा समायोजन गरेर उक्त भुक्तानी गरेको हो ।

स्वास्थ्य बीमा बोर्डका उपसचिव पुष्पप्रसाद गुरागाईंका अनुसार भदौ ११ गतेको निर्णयानुसार सेवा प्रदायक स्वास्थ्य संस्थाहरूको बैंक खातामा सिधै रकम जम्मा गरिएको छ । बोर्डले २०८२ चैत मसान्तसम्मको स्वास्थ्य बीमा दावी रकममध्ये सूचना प्रविधि शाखाबाट रुजु भई स्वीकृत भएका दावीहरू फस्यौट गरेको हो ।