बागमतीमा सत्ता जोगाउन कांग्रेसको कसरत

बागमती प्रदेशका मुख्यमन्त्री इन्द्रबहादुर बानियाँले आगामी भदौ ३ गते प्रदेश सभाबाट विश्वासको मत लिने भएका छन्। कांग्रेस बागमती प्रदेश संसदीय दलको शनिबार काठमाडौंमा बसेको बैठकले भदौ ३ मै विश्वासको मत लिने गरी तयारी अघि बढाउने निर्णय गरेको हो।

नेकपा (एमाले) ले साउन ६ गते सरकारलाई दिएको समर्थन फिर्ता लिएपछि बानियाँ नेतृत्वको सरकार अल्पमतमा परेको छ। संवैधानिक व्यवस्थाअनुसार समर्थन फिर्ता लिएको एक महिनाभित्र विश्वासको मत लिनुपर्ने भएकाले मुख्यमन्त्रीसँग भदौ ५ गतेसम्मको समय छ। कांग्रेसले भने दुई दिनअघि नै विश्वासको मत लिने तयारी गरेको हो।