एनएमबि बैंकद्वारा नेपाल–भारत पैसा पठाउने नयाँ ‘क्रस–बोर्डर P2P’ सेवाको सुरुवात

एनएमबि बैंक लिमिटेडले नेपाल र भारतबीच सहज तथा छिटो रूपमा पैसा पठाउन र प्राप्त गर्न सकिने नयाँ ‘इन्डो–नेपाल P2P रेमिट्यान्स’ सेवा सुरु गरेको छ। नेपाल क्लियरिङ हाउस लिमिटेड (NCHL) सँगको सहकार्यमा सुरु गरिएको यस सेवामार्फत अब नेपालबाट भारत तथा भारतबाट नेपालमा पैसा पठाउन र प्राप्त गर्न पहिलेभन्दा अझ सुरक्षित, सरल र सहज हुने बैंकले जनाएको छ।

यस नयाँ प्रविधिसँगै ग्राहकहरूले परम्परागत झन्झट र ढिलाइबाट मुक्ति पाउनेछन्। अब भारतबाट पैसा पठाउँदा धेरै दिन पर्खिनु पर्दैन। उताबाट पैसा पठाएको केही समयमै एनएमबि बैंकमा रहेको व्यक्तिगत खातामा रकम जम्मा हुनेछ। साथै, पैसा पठाउन वा प्राप्त गर्न लामो बैंक खाता नम्बर अरूलाई उपलब्ध गराइरहनुपर्ने झन्झट पनि हट्नेछ।