सरकार, अब प्रतीक्षाको पीडा नदेऊ

भोटेकोशीमा बाढी आएको सोमबार ६ दिन भएको छ। यो बीचमा राज्यले विभिन्न प्रभावित स्थानबाट उद्धार, घाइतेहरुको उपचार, राहत वितरण, प्रभावित क्षेत्रका मानिसहरुलाई आफन्तसँग पुर्नमिलनलगायतका कामहरु पनि गरिरहेकै छ।

नुवाकोटको विदुरमा रहेको गणबाट एकैछिन नबिसाइ हेलिकोप्टरहरु पनि उडिरहेकै छन्। राहत सामग्रीका प्याकेटहरु पनि ठाउँठाउँमा वितरण भइरहेकै छन्।