सप्तकोशी कटानको दोहोरो त्रासमा चिलिया टापु, ६ सय परिवार उच्च जोखिममा

काठमाडौँ – सुनसरी र उदयपुरको सिमानामा पर्ने बराहक्षेत्र तथा बेलका नगरपालिकाअन्तर्गतका चिलिया र श्रीलङ्का टापुका बासिन्दा हरेक बर्खामा सप्तकोशीको बाढी र कटानको दोहोरो त्रासमा बस्न बाध्य छन्।

स्थानीय पदम राईका अनुसार बर्सेनि नदी बस्तीतर्फ ढल्कँदै आएको छ। हाल स्थानीय बासिन्दा, नेपाल प्रहरी, सशस्त्र प्रहरी, नेपाली सेना र नगर प्रहरीको संयुक्त श्रमदानमा बालुवा र सिमेन्टका बोरा, बाँस तथा नाइलनको डोरी प्रयोग गरी अस्थायी तटबन्ध निर्माण भइरहेको छ। तर, कोशीको ठूलो बहावसामू यी प्रयास अस्थायी मात्र साबित हुने गरेका छन्।