कम्प्युटर इन्जिनियरिङतर्फ नेपाल टप हुन सफल विद्यार्थी पुरस्कृत

कम्प्युटर इन्जिनियरिङतर्फ नेपाल टप हुन सफल विद्यार्थी पुरस्कृत भएका छन्। कम्प्युटर इन्जिनियरिङतर्फ ३.९९ जीपीए ल्याई नेपाल टप हुन सफल नेपाल इन्जिनियरिङ कलेज दुवाकोट चाँंगुनारायण भक्तपुरका विद्यार्थी बिष्णु शर्मा पुरस्कृत भएका हुन्।

कलेजले २०२० ब्याचका ब्याचलर अफ सिभिल इन्जिनियरिङ (डिप्लोमा होल्डर) तथा २०२१ ब्याचका सिभिल, सिभिल एन्ड रुरल, कम्प्युटर, इलेक्ट्रिकल एन्ड इलेक्ट्रोनिक्स तथा इलेक्ट्रोनिक्स एन्ड कम्युनिकेसन इन्जिनियरिङका विद्यार्थीलाई बिदाइ गर्न भक्तपुरमा गरेको कार्यक्रममा उनलाई पुरस्कृत गरिएको हो। सर्वाेत्कृष्ट विद्यार्थी शर्माले कलेजको चेयरमेन प्राइड अवार्ड पनि पाएका थिए। साथै उनले कम्प्युटर इन्जिनियरिङतर्फ प्रोगाम टपर, साइन्स अवार्ड तथा कम्प्युटर साइन्स अवार्ड पनि प्राप्त गरेका थिए। कार्यक्रमका प्रमुख अतिथि पोखरा विश्वविद्यालय विज्ञान तथा प्रविधि संकायका डिन प्राध्यापक राजेशकुमार ठकुरानीले उनलाई पुरस्कृत गरेका हुन्।