मिथोलोजिकलमा दुर्गा

निर्देशक सम्राट बस्नेतले नयाँ फिल्म दुर्गा निर्माणको घोषणा गरेका छन्। थिम पोस्टर सार्वजनिक गर्दै उनले आप्mनो नया निर्देशनमा बन्ने मिथोलोजिकल कथावस्तुको फिल्मबारे जानकारी गराएका हुन्।

सार्वजनिक पोस्टरमा दुर्गा मन्दिरअगाडि रातो पहिरनमा एक युवती एक्लै उभिएकी देखिन्छिन्। मन्दिरको प्रवेशद्वारमा त्रिशूलसमेत देखाइएकाले पोस्टरले फिल्मको कथावस्तुबारे उत्सुकता बढाएको छ। फिल्मको नाम र पोस्टरमा प्रयोग गरिएका प्रतीकले मुख्य पात्र दुर्गा रहने तथा कथामा धार्मिक र रहस्यमय पक्ष जोडिएको संकेत गरेको छ।