बुबाको पेन्सनपट्टामाअर्कै महिलाको नाम भेटिएपछि…

दिवंगत बाबुको पेन्सनपट्टामा आमाको नाम नभएर अर्कै महिलाको नाम भेटिएपछि सुरु हुने पारिवारिक खोज र त्यसले निम्त्याउने भावनात्मक उतारचढावलाई केन्द्रमा राख्दै नेपाली फिल्म पेन्सनपट्टाको टिजर सार्वजनिक गरिएको छ।

माओत्से गुरुङको कथा तथा निर्देशनमा बनेको फिल्मको टिजरले लाहुरे समाज, पारिवारिक सम्बन्ध र मानवीय भावनाको कथा प्रस्तुत गरेको छ। टिजरमा आप्mना दिवंगत बाबुको पेन्सनपट्टा हेर्दा आमाको सट्टा कहिल्यै नसुनेको र नचिनेको बाबुको पहिलो पत्नीको नाम भेटिएपछि पात्रले भोग्नुपरेको अन्योल र त्यसको खोजीलाई कथाको मुख्य आधारका रूपमा प्रस्तुत गरिएको छ। बाबुको जीवनसँग जोडिएको एउटा अपरिचित नामले परिवारभित्रै जन्माउने प्रश्न र त्यसको उत्तर खोज्ने क्रममा खुल्दै जाने सम्बन्धको पाटोलाई टिजरले संकेत गरेको छ। यससँगै फिल्मले लाहुरे जीवनबाट अवकाश लिएपछि समाज र परिवारसँग जोडिएर बाँचिरहेका पात्रहरूको भावना, सम्बन्ध र विगतलाई कथाको केन्द्रमा राखेको छ।