कन्दराको एटलान्टा कन्सर्टबाट उठेको २१ लाख रुपैयाँ प्रधानमन्त्री कोषमा

काठमाडौं । नेपाली सांगीतिक ब्याण्ड ‘कन्दरा’ ले अमेरिकाको एटलान्टामा आयोजित कन्सर्टमार्फत संकलित २१ लाख रुपैयाँ प्रधानमन्त्री दैवी प्रकोप उद्धार कोषमा हस्तान्तरण गरेको छ ।

भोटेकोशी बाढीबाट प्रभावित नेपालीहरूको राहत, उद्धार तथा पुनःस्थापनाका लागि सहयोग जुटाउने उद्देश्यले कन्दराको आह्वान र अग्रसरतामा एटलान्टामा विशेष सांगीतिक कार्यक्रम आयोजना गरिएको थियो । बिएनएमको आयोजनामा सम्पन्न कार्यक्रममा एटलान्टामा रहेका नेपाली दर्शक, विभिन्न संघ–संस्था, व्यवसायी, कलाकार, शुभेच्छुक तथा समुदायको सहभागिता रहेको थियो ।