ग्यास डिलरमा कालोबजारीको आशंका, प्रशासनद्वारा अनुगमन

उपभोक्ताले ग्यास लुकाएको तथा कालोबजारी गरेको जनगुनासो गरेपछि जिल्लाका सबैजसो डिलरमा प्रशासनले अनुगमन गरेको छ।

हप्तौँअघि कुपन काटेर पर्खँदा र घण्टौँ लाइन बस्दा पनि ग्यास नपाएका उपभोक्ताले ग्यासको समान वितरण नभएको गुनासो गरेपछि प्रशासनले अनुगमन थालेको हो। सहायक प्रमुख जिल्ला अधिकारी संयोजकत्वको जिल्ला अनुगमन टोलीले सदरमुकाम गाईघाट, बोक्से, मोतिगडा, देउरी, जलजले, राजाबास र चुहाडेक्षेत्रका सबै डिलरमा अनुगमन थालेको हो।