अगस्टको पहिलो सातामै भारतीय बजारमा १२ हजार करोडभन्दा बढी विदेशी लगानी भित्रियो

काठमाडौं । विदेशी पोर्टफोलियो लगानीकर्ता (एफपीआई) हरुले अगस्टको पहिलो सातामा भारतीय सेयर बजारमा आक्रामक रुपमा लगानी बढाएका छन् । अगस्ट ३ देखि ७ सम्मको ५ कारोबार दिनमा एफपीआईहरुले इक्विटी, ऋणपत्र, हाइब्रिड तथा म्युचुअल फन्डमार्फत कुल १२ हजार २९०.६८ करोड भारतीय रुपैयाँ खुद लगानी गरेको द हिन्दु विजनेसलाइन जनाएको छ ।

नेसनल सेक्युरिटिज डिपोजिटरी लिमिटेड (एनएसडीएल) को तथ्यांकअनुसार उक्त अवधिमा सबैभन्दा बढी आकर्षण इक्विटी बजारमा देखिएको छ । ५ दिनमा मात्रै इक्विटीतर्फ १२ हजार करोड रुपैयाँ भन्दै धेरै लगानी भित्रिएको छ। यसले जुलाईमा देखिएको विदेशी लगानीको सकारात्मक प्रवाह अगस्टमा पनि जारी रहेको संकेत गरेको छ।