बडिमालिका यस पटक पूजा १ भदौबाटै

२४ साउन, बाजुरा । बाजुराको धार्मिक तथा पर्यटकीय स्थल बडिमालिका मन्दिरमा यस वर्ष १ भदौबाट मेला तथा पूजा सुरु हुने भएको छ । बडीमालिका मन्दिरका पुजारी नेत्र पाध्यायले मुख्य पूजा भदौ ११ गते भए पनि एकै दिन पूजा हुँदा दर्शनार्थीको अत्यधिक भिड हुने भएकोले अगाडिबाट नै सुरु गरिने बताएका छन् ।

बडिमालिकामा हरेक वर्ष मुख्य पूजा जनैपूर्णिमाको अघिल्लो दिन अर्थात् साउन शुक्ल चतुर्दर्शीका दिन हुने गर्छ । पुजारी पाध्यायले बडिमालकामा मुख्य पूजाका साथै अन्य समयमा पनि धेरै जना पुग्ने गरेकोले तिर्थालुहरूको सहजताका लागि अगावै पूजा सुरु गरिने बताए ।