बार्सिलोना छाड्दै फेरान टोरेस, पीएसजीसँग पाँच वर्षको सहमति

बार्सिलोनाका स्पेनिस फरवार्ड फेरान टोरेसले फ्रान्सेली क्लब पेरिस सेन्ट जर्मेन (पीएसजी) सँग पाँच वर्षको सम्झौताका लागि सहमति गरेका छन्।

फ्रान्सेली सञ्चारमाध्यमहरूका अनुसार २६ वर्षीय टोरेसले पीएसजीसँग व्यक्तिगत सम्झौता गरिसकेका छन्। उनले बार्सिलोनालाई पनि क्लब छाड्ने आफ्नो निर्णयबारे जानकारी गराएका छन्। टोरेसको बार्सिलोनासँगको सम्झौता अझै एक वर्ष बाँकी छ। तर, उनले नयाँ चुनौतीका लागि क्लब परिवर्तन गर्ने निर्णय गरेका हुन्।