क्यानडा पठाइदिने भन्दै ३७ लाख ठग्ने दुलाल पक्राउ

काठमाडौँ । वैदेशिक रोजगारीमा क्यानडा पठाइदिने भन्दै ३७ लाख रुपैयाँ ठगी गरेको आरोपमा प्रहरीले काभ्रेपलाञ्चोकका ४२ वर्षीय अच्युत दुलाललाई पक्राउ गरेको छ।

जिल्ला काभ्रेपलाञ्चोक मण्डनदेउपुर नगरपालिका-६ घर भएका दुलाललाई वैदेशिक रोजगार विभागबाट पक्राउ पुर्जी जारी भएपछि गोकर्णेश्वर नगरपालिका क्षेत्रबाट साउन २४ गते पक्राउ गरिएको प्रहरीले जनाएको छ।