निर्माण सम्पन्न नहुँदै उप्कियो सडकको कालोपत्र

कर्णाली राजमार्ग अन्तर्गत कालीकोटको खाँडाचक्र नगरपालिका-१ सशस्त्र प्रहरी क्याम्प नजिकैको सडकको कालोपत्र काम नसकिँदै उप्किन थालेको छ। निर्माणको ठेक्का पाएको भौरव मष्टो निर्माण सेवा दैलेखले गरेको उक्त कालोपत्र सम्पन्न नहुँदै उक्किन थालेको हो।

सशस्त्र प्रहरी क्याम्पदेखि अस्पतालसम्मको साढे एक किलोमिटर सडकको केही भाग केही समय अगाडि मात्रै कालोपत्र गरिएको थियो। निर्माण व्यवसायीले हिउँदमा गर्नुपर्ने काम असारमा हिलो माटोमाथि नै कालोपत्र गरेकाले उप्किन थालेको स्थानीय सुमन विष्टले बताए।