एयर इन्डियाको विमान ३०० फिट तल झरेको घटनामा नयाँ मोड, एक पाइलटको डोप टेस्ट ‘पोजिटिभ’ आएको दावी

नयाँ दिल्ली- केही दिनअघि तीव्र टर्बुलेन्समा परेर करिब ३०० फिट तल झरेको एयर इन्डियाको फुकेट–दिल्ली उडान का पाइलटहरूको डोप (औषधि परीक्षण) गरिएको छ ।

भारतीय सञ्चारमाध्यमहरूका अनुसार, निर्धारित स्ट्यान्डर्ड अपरेटिङ प्रोसीजर अनुसार दुवै पाइलटको परीक्षण गरिएको थियो । स्रोतलाई उद्धृत गर्दै प्रकाशित समाचारमा एक पाइलटको डोप परीक्षणको नतिजा ‘पोजिटिभ’ आएको दावी गरिएको छ । घटनाको पूर्ण अनुसन्धान नसकिँदासम्म दुवै पाइलटलाई उडान ड्युटीबाट हटाइएको बताइएको छ ।