कांग्रेस सभापति थापा भन्छन्: हाम्रो गति र मति दुवै ठिक छैन

नेपाली कांग्रेसका सभापति गगन कुमार थापाले पार्टीको काम गर्ने गति, नीति र प्राथमिकता सही दिशामा नरहेको बताएका छन्। कांग्रेस केन्द्रीय कार्यसमितिको बैठकमा बोल्दै उनले पार्टीले गर्नुपर्ने काम नगर्ने र नगर्नुपर्ने काममा अल्झिने अवस्था देखिएको भन्दै आत्मसमीक्षा गर्नुपर्ने बताए।

सभापति थापाले कांग्रेसको अहिलेको कार्यशैलीप्रति तीव्र असन्तुष्टि व्यक्त गर्दै भने, ‘हाम्रो गति पनि ठिक छैन। हाम्रो मति पनि ठिक छैन। हाम्रो फोकस मिलिरहेको छैन। जे नगर्नुपर्ने हो, त्यो गरिरहेका छौँ। जे गर्नुपर्ने हो, त्यो गरिरहेका छैनौँ।’