२०४८ सालमा गिरिजाले गरेको आँटबाट सिक्न बालेनलाई गगनको सुझाव

नेपाली कांग्रेसका सभापति गगनकुमार थापाले सरकारले सार्वजनिक संस्थान सञ्चालनमा सुधारको नाममा सामान्य प्रगतिको प्रचार गर्नुभन्दा ठोस र जोखिमपूर्ण निर्णय लिनुपर्ने बताएका छन्।

नेपाली कांग्रेसको कार्यसमिति बैठकमा बोल्दै थापाले २०४८ सालमा तत्कालीन प्रधानमन्त्री गिरिजाप्रसाद कोइरालाको नेतृत्वमा रहेको सरकारले सार्वजनिक संस्थान सुधारका लागि जोखिम उठाएको स्मरण गरे। उनका अनुसार त्यसबेला करिब १२ अर्ब रुपैयाँ राजस्व उठ्ने अवस्थामा सरकारी संस्थानहरूको घाटा पूर्ति गर्न मात्रै करिब एक अर्ब रुपैयाँ खर्च गर्नुपर्ने अवस्था थियो।