कुकुर र बिरालो को बढी बुद्धिमान ? वैज्ञानिक अध्ययनले देखायो यस्तो रोचक तथ्य

बिरालो र कुकुरमध्ये को बढी बुद्धिमान हुन्छ भन्ने बहस पुरानै हो। घरमा पालिने यी दुवै जनावर मानिससँग निकै नजिक हुन्छन् र आ–आफ्नै तरिकाले असाधारण क्षमता देखाउँछन्। तर वैज्ञानिक अध्ययनहरूले उनीहरूको बुद्धिमत्तालाई हेर्दा एउटालाई स्पष्ट रूपमा विजेता घोषणा गर्न भने सजिलो छैन।

अनुसन्धानअनुसार कुकुरको मस्तिष्क सामान्यतया बिरालोको भन्दा ठूलो हुन्छ। कुकुरको मस्तिष्कमा रहेका स्नायु कोषहरूको संख्या पनि बढी पाइएको छ। एउटा सुनौलो रिट्रिभर कुकुरको मस्तिष्कको बाहिरी भागमा करिब ६२ करोड ३० लाख स्नायु कोष भेटिएको थियो भने सानो आकारको एउटा कुकुरमा करिब ४२ करोड ९० लाख र बिरालोमा करिब २५ करोड स्नायु कोष रहेको पाइएको थियो।