दबाबमा जापानको आणविक विरोधी नीति, पुनर्विचारको सङ्केतपछि चिन्ता

काठमाडौँ । जापानले सन् १९४५ को हिरोसिमा र नागासाकी आणविक बम आक्रमणको वार्षिकोत्सव मनाइरहेका बेला देशको लामो समयदेखिको शान्तिवादी नीतिमाथि चुनौती देखिएको छ। चीनसहित पूर्वी एसियाली मुलुकहरूको बढ्दो सैन्य क्षमता र प्रमुख सुरक्षा साझेदार अमेरिकाको विश्वसनीयतामाथि उठिरहेका प्रश्नहरूका कारण जापानको आणविक विरोधी नीति दबाबमा परेको हो।

जापानको संविधानले युद्ध र सैन्य शक्तिको प्रयोगलाई त्यागेको छ भने देशले दशकौँदेखि आणविक हतियार नराख्ने, उत्पादन नगर्ने र आफ्नो भूमिमा भित्रिन नदिने तीनवटा ‘गैर–आणविक सिद्धान्त’ पालना गर्दै आएको छ। तर प्रधानमन्त्री सानाए ताकाइचीले यस सिद्धान्तप्रति सरकारको भावी अडान स्पष्ट पार्न अस्वीकार गरिन् भने रक्षामन्त्री शिन्जिरो कोइजुमीले पनि यस विषयमा कुनै बन्देजबिना छलफल हुनुपर्ने बताए। यसअघि गत डिसेम्बरमा सरकारका एक वरिष्ठ अधिकारीले जापानले आणविक हतियार राख्नुपर्ने सङ्केत गरेपछि देशमा व्यापक आलोचना भएको थियो।