विशेष महाधिवेशनले कांग्रेस झन् कमजोर बनायो : प्रकाशमान सिंह

काठमाडौं – नेपाली कांग्रेसका पूर्वमहामन्त्री प्रकाशमान सिंहले विशेष महाधिवेशनको प्रक्रियाका कारण पार्टीभित्रको विवाद झन् बढेको र त्यसले कांग्रेसलाई कमजोर बनाएको बताएका छन् ।

आइतबार काठमाडौंमा आयोजित एक कार्यक्रममा बोल्दै सिंहले आफूहरूले यसअघि नै विशेष महाधिवेशनको बाटो रोज्न नहुने सुझाव दिँदै आए पनि त्यसलाई बेवास्ता गरिएको बताए । विशेष महाधिवेशन अघि बढेपछि पार्टीभित्रको विवाद समाधान हुनुको सट्टा कांग्रेस थप विभाजन र ध्रुवीकरणतर्फ गएको उनको भनाइ छ ।