संखुवासभाको सिलिचोङमा बाढीपहिरोको वितण्डा: ७ परिवार विस्थापित, दुई विद्यालय र जलविद्युत आयोजनामा क्षति

संखुवासभा। संखुवासभाको सिलिचोङ गाउँपालिका-१ मा लगातारको वर्षापछि आएको बाढीपहिरोका कारण सात परिवार पूर्ण रूपमा विस्थापित भएका छन्।

शनिबार रातिदेखि सुरु भएको अविरल वर्षासँगै तल्लो तेन्छोङ बस्तीमाथिको जमिन चिरा परेर पहिरो खस्न थालेपछि ती परिवारहरू थातथलो छाड्न बाध्य भएका हुन्। बाढीपहिरोका कारण स्थानीय दुईवटा विद्यालय, सडक, जलविद्युत् तथा सञ्चार सेवा पूर्ण रूपमा अवरुद्ध हुँदा सो क्षेत्रको जनजीवन निकै कष्टकर बनेको छ।