संस्था बलियो कि व्यक्ति ? राष्ट्रिय सुरक्षाको मूल प्रश्न

भू–राजनीतिक प्रतिस्पर्धा, आन्तरिक चुनौती र बदलिँदो सुरक्षा परिवेशका बीच नेपाली सेनाप्रतिको संस्थागत विश्वास किन झन् महत्वपूर्ण बन्दै गएको छ ?

विश्व राजनीति तीव्ररूपमा परिवर्तन भइरहेको छ । शक्ति राष्ट्रहरूबीचको प्रतिस्पर्धा अब केवल युद्धका मैदानमा सीमित छैन, आर्थिक प्रभाव, कूटनीति, सूचना प्रवाह, साइबर सुरक्षा र सामाजिक मनोविज्ञानसम्म फैलिएको छ । साना तथा भूराजनीतिक रूपमा संवेदनशील मुलुकहरूका लागि यस्तो परिवेश झन् चुनौतीपूर्ण हुन्छ । नेपाल पनि यही वास्तविकताबाट अलग छैन । उत्तर र दक्षिणका दुई विशाल छिमेकीबीच अवस्थित नेपालले आफ्नो सार्वभौमिकता, स्वतन्त्र निर्णय क्षमता र राष्ट्रिय हितको संरक्षण गर्न राज्यका संस्थाहरूलाई बलियो, सक्षम र विश्वसनीय बनाइराख्नु अपरिहार्य छ ।