प्रिसिजनमा आर्सनलको लगातार दोस्रो हार, डर्टमन्डसँग ३–२ गोल अन्तरले पराजित

प्रिमियर लिगको नयाँ सिजन सुरु हुनुअघि आर्सनल प्रिसिजन तयारीको आफनो दोस्रो खेलमा पनि पराजित भएको छ। घरेलु मैदान एमिरेट्स स्टेडियममा भएको रोमाञ्चक मैत्रीपूर्ण खेलमा आर्सनल जर्मन क्लब बोरुसिया डर्टमन्डसँग ३–२ गोल अन्तरले पराजित भएको हो।

डर्टमन्डले खेल सुरु भएको पाँचौं मिनेटमै अग्रता लिएको थियो। फेलिक्स एनमेचाको उत्कृष्ट पासमा इटालियन युवा खेलाडी सामुएले इनासियोले शानदार गोल गर्दै घरेलु समर्थकलाई स्तब्ध बनाएका थिए।