बैंकको नियमन प्रहरीले गर्ने कि केन्द्रीय बैंकले ?

२५ साउन, काठमाडौं । स्मार्ट टेलिकमले ऋण नतिरेपछि धितोमा रहेको सम्पत्ति बेचेर असुल उपर गरेको आरोपमा प्रहरीले पक्राउ गरेका नेपाल इन्भेस्टमेन्ट मेगा बैंक (एनआईएमबी)का प्रमुख कार्यकारी अधिकृत ज्योतिप्रकाश पाण्डेलाई सर्वोच्च अदालतले हाजिरी जमानीमा छाडिदियो ।

हिरासतमा राखेर अनुसन्धान गर्नुपर्ने कुनै कारण नभएको भन्दै सर्वोच्च अदालतले उनलाई रिहा गर्न आदेश दिएको थियो, तर उनलाई थुनामा नराखे अपूरणीय क्षति हुने भन्दै प्रहरीले सिन्धुलीबाट पक्राउ गरेर एक साताभन्दा बढी थुनामा राखेको थियो ।