नौ अफगान निजी विश्वविद्यालयको इजाजतपत्र रद्द, ‘नक्कली विद्यार्थी’ देखाएको आरोप

काठमाडौँ । अफगानिस्तानको तालिबान प्रशासनले शैक्षिक मापदण्ड उल्लङ्घन, प्रशासनिक कमजोरी तथा अभिलेखमा नक्कली विद्यार्थी देखाइएको आरोपमा नौ निजी उच्च शिक्षा संस्थामाथि कारबाही गरेको छ। उच्च शिक्षा मन्त्रालयले सात संस्थाको सञ्चालन इजाजतपत्र एक वर्षका लागि निलम्बन गरेको छ भने दुई संस्थाको इजाजतपत्र स्थायी रूपमा खारेज गरेको जनाएको छ।