मिर्गौला रोगीलाई राहत, म्याग्दीमा थपिए डायलासिस मेसिन

म्याग्दी । म्याग्दीमा जटिल रोगका झण्डै तीन सय बिरामीमध्ये १६९ जना मिर्गौला रोगी छन् । बेनी अस्पतालमा २०७६ देखि डाइलाइसिस सेवा सञ्चालन हुँदै आएकोमा गण्डकी प्रदेश सरकारबाट थप तीन मेसिन प्राप्त भएपछि अहिले ४० जनाले डाइलाइसिस सेवा लिइरहेका छन् ।

जिल्ला भित्रका स्थानीय तहसँग भएको तथ्यांक अनुसार म्याग्दीमा मिर्गौला सम्बन्धी समस्याबाट १६९ जना पीडित छन् । जसमध्ये १०८ जना मिर्गौला फेल भएका, ५६ जनाले डाइलाइसिस गराइरहेका र ५ जनाले मिर्गौला प्रत्यारोपण गरेका छन् । जटिल रोगका बिरामीले पाउने सुविधा प्राप्त गर्ने जिल्लाका ६ वटै स्थानीय तहका २९० जना बिरामीमध्ये १६९ जना मिर्गौला सम्बन्धी समस्याका छन् ।