धागोको सीपबाट फेरिँदै महिलाको दैनिकी: घरधन्दामै सीमित आमाहरू आत्मनिर्भर बन्दै

तुलसीपुर (दाङ)। दाङको बंगलाचुलीकी सुमिला नेपाली अहिले घोराहीमा बसेर छोरी पढाउँदै आएकी छन्। पहिले छोराछोरीलाई स्कुल पठाएपछि घर फर्केर टिकटक र फेसबुक चलाएर समय बिताउनुबाहेक खासै अन्य काम हुँदैनथ्यो। तर, अहिले दैनिकी पूर्ण रूपमा फेरिएको छ। धागोबाट विभिन्न बुनाइ सामग्रीहरू तयार पार्न उनी निकै व्यस्त छिन्।