‘लाटोसाथी’ को छैटौँ स्मृति दिवसमा साहित्यिक विमर्श

२४ साउन, काठमाडौं । प्रा. डा. विष्णुराज आत्रेय ‘लाटोसाथी’ को छैटौँ स्मृति दिवसको अवसर पारेर राजधानीमा नेपाली साहित्यका विविध आयाममाथि विचार-विमर्श गरिएको छ।

प्रा. डा. विष्णुराज आत्रेय लाटोसाथी स्मृति प्रतिष्ठानको आयोजनामा ‘नेपाली उपन्यासमा ऐतिहासिक र पौराणिक विमर्श’ कार्यक्रममा समसामयिक उपन्यासका विषयवस्तु, उपन्यासकारको सफलताका आधार तथा नेपाली साहित्यमा पौराणिक र ऐतिहासिक उपन्यासको लेखन परम्परा र प्रकृतिका विषयमा विस्तृत छलफल गरिएको थियो।