पहिरो खसेपछि बीपी राजमार्ग पूर्ण रूपमा अवरुद्ध

काठमाडौं। अविरल वर्षासँगै सडक माथिबाट लेदोसहितको पहिरो खसेपछि बीपी राजमार्ग पूर्ण रूपमा अवरुद्ध भएको छ। आइतबार साँझदेखि परेको लगातार वर्षाका कारण सोमबार बिहान करिब ४ बजे बीपी राजमार्गअन्तर्गत काभ्रेपलाञ्चोकको रोशी गाउँपालिका–९ स्थित पिन्थली र नार्के क्षेत्रमा लेदोसहितको पहिरो खसेको हो।

पहिरोका कारण राजमार्गमा यातायात पूर्ण रूपमा रोकिएको छ। पहिरोका कारण सडक अवरुद्ध भएपछि गन्तव्यतर्फ जाँदै गरेका सवारीसाधन बाटोमै रोकिएका छन्। वर्षा जारी रहेकाले थप पहिरो खस्न सक्ने जोखिमसमेत रहेको छ।