नवलपुरमा माइक्रोबस दुर्घटना, ६ जना घाइते

नवलपरासी (बर्दघाट सुस्ता पूर्व) को कावासोती नगरपालिका–१६, पत्थरखोलाको पुलनजिक माइक्रोबस दुर्घटना हुँदा ६ जना घाइते भएका छन्।

नारायणगढबाट बुटवलतर्फ जाँदै गरेको लु.प्र. ०१-००१ ज १००० नम्बरको माइक्रोबस (ईभी हाइस) अगाडिको बायाँतर्फको टायर पन्चर भएपछि अनियन्त्रित भएर पल्टिएको प्रहरीले जनाएको छ। दुर्घटनाका बेला माइक्रोबसमा चालक र सहचालकसहित ७ जना सवार थिए। दुर्घटनामा चालकसहित ६ जना घाइते भएका छन्।