ब्राउन सुगरसहित एक जना भारतीय नागरिक पक्राउ

वीरगन्ज । पर्सा प्रहरीले वीरगन्ज महानगरपालिका–१४ स्थित कृष्णा प्रणामी चोकबाट लागुऔषध ब्राउन सुगरसहित एक जना भारतीय नागरिकलाई पक्राउ गरेको छ।

सडकमा शङ्कास्पद अवस्थामा फेला परेका भारतको मोतिहारी पटोका श्रीपुर ग्राम पञ्चायत–०१ बस्ने २५ वर्षीय शत्रुधन पासवानलाई प्रहरी टोलीले नियन्त्रणमा लिएको हो। उनको शरीर खानतलासी गर्दा १६.५७ ग्राम ब्राउन सुगर फेला परेको जिल्ला प्रहरी कार्यालय पर्साले जनाएको छ।