ग्यास आयात नियमित, कमजोर व्यवस्थापनका कारण बजारमा अभाव

काठमाडौं– सरकारले भरी सिलिन्डर ग्यास बिक्री–वितरण गर्ने निर्णय गरेको १५ दिन नबित्दै बजारमा ग्यास अभाव देखिन थालेपछि उपभोक्ताले गुनासो गर्न थालेका छन् । कतिपयले भारतबाट ग्यास नआएको वा आयात घटेकाले समस्या भएको दाबी गरे पनि नेपाल आयल निगमको तथ्यांकले आयात नियमित रहेको देखाएको छ।

निगमका अनुसार ग्यास आयातमा कमी आएको छैन। आन्तरिक व्यवस्थापन कमजोर हुँदा बजारमा अभावको अवस्था देखिएको हो । तर सरकारी निकाय, उद्योगी र विक्रेताले भने उपभोक्ताले आवश्यकता भन्दा बढी सञ्चिति गर्दा समस्या बढेको बताएका छन् ।