मलेसियाका प्रधानमन्त्री अनवर अस्पतालको निगरानीमा

मलेसियाका प्रधानमन्त्री अनवर इब्राहिमको स्वास्थ्य परीक्षण भएको छ। उनी दुई दिनसम्म अस्पतालको निगरानीमा रहनेछन्।

सोमबार ७९ वर्ष पुगेका उनलाई यसअघि पनि काँध र ढाडको समस्या हुँदै आएको थियो। प्रेस सचिव टुंकु नश्रुल अबैदाहले विज्ञप्ति जारी गर्दै भनेका छन्, ‘चिकित्सा विशेषज्ञहरूको टोलीद्वारा निर्धारित परीक्षण र प्रक्रियाहरू भइरहेका छन्।’ साथै, उनले प्रधानमन्त्रीको स्वास्थ्य लाभको कामना गर्दै उनी छिट्टै आफ्ना नियमित काममा फर्किने विश्वास व्यक्त गरेका छन्।