हात्ती र गोही प्रजनन् केन्द्रमा निःशुल्क प्रवेश

चितवन। चितवन राष्ट्रिय निकुञ्जको खोरसोरस्थित हात्ती प्रजनन केन्द्र र कसरामा रहेको गोही प्रजनन केन्द्रमा पर्यटकका लागि निःशुल्क प्रवेश सुविधा प्रदान गरिने भएको छ।

राष्ट्रिय प्रकृति संरक्षण कोषले सङ्कलन गर्दै आएको शुल्क साउन ४ गतेदेखि लागू हुनेगरी हटाएपछि आन्तरिक तथा बाह्य पर्यटकका लागि अवलोकन शुल्क हटाइएको हो। यहाँ अवलोकनमा आउने विदेशीलाई १०० रुपैयाँ स्वदेशी पर्यटकलाई ५० रुपैयाँ र विद्यार्थीका लागि ३० रुपैयाँ प्रवेश शुल्क तोकिएको थियो।