निजी मेडिकल कलेज सञ्चालकहरूले भने– पीजी तथा इन्टर्न भत्ता दिन सकिँदैन

काठमाडौँ । निजी मेडिकल कलेजहरूले पीजी र इन्टर्न विद्यार्थीलाई निर्वाह भत्ता नदिने भएका छन् । पीजी निर्वाह भत्ता तथा इन्टर्न विद्यार्थीका लागि सिर्जना गरिएको कुनै पनि आर्थिक दायित्व उपलब्ध वा भुक्तानी नगर्ने बताएका हुन् ।

एसोसिएसन अफ प्राइभेट मेडिकल एन्ड डेन्टल कलेज अफ नेपालले अर्को आधिकारिक निर्णय वा सूचना जारी नभएसम्म सदस्य कलेजहरूले पीजी तथा इन्टर्न विद्यार्थीलाई निर्वाह भत्ता नदिने बताएको छ । एसोसिएसन अफ प्राइभेट मेडिकल एन्ड डेन्टल कलेज अफ नेपालले जारी गरेको सूचनामा भनिएको छ, ‘यो निर्णय विद्यार्थी वा रेजिडेन्टका जायज सरोकारप्रतिको असंवेदनशीलता होइन । निजी मेडिकल कलेजको वास्तविक आर्थिक अवस्था, विद्यमान दायित्व र त्यसमा थपिन लागेको आर्थिक भारबिच सन्तुलन कायम नगरी एकपक्षीय रूपमा नयाँ दायित्व सिर्जना गर्न खोजिएको अवस्थाप्रतिको संस्थागत धारणा हो ।’