राष्ट्रिय सदाचार नीति कार्यान्वयन गर्न सरकारलाई संसदीय समितिको निर्देशन

काठमाडौँ । राष्ट्रियसभा अन्तर्गतको विकास, आर्थिक मामिला तथा सुशासन समितिले राष्ट्रिय सदाचार नीति कार्यान्वयन गर्न सरकारलाई निर्देशन दिएको छ।

सिंहदरबारमा सोमबार बसेको समिति बैठकले सदाचार नीतिको आवश्यकताका सम्बन्धमा विगत दुई वर्षदेखि छलफल गरी समितिले प्रस्ताव गरेको राष्ट्रिय सदाचार नीति सरकारले जारी गरेकोमा धन्यवाद दिएको हो। साथै समितिले यसको पूर्ण कार्यान्वयनका लागि सरकारलाई ताकेता गरेको छ।