ज्ञानेन्द्र शाहीको चुनौती- मदिरा पिएको प्रमाणित भए सांसद पद त्याग्न तयार छु

राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले आफ्नो चरित्र हत्या गर्ने उद्देश्यले अश्लील भिडियो र मदिरा सेवनको भ्रामक प्रचार गरिएको भन्दै त्यसको सत्यता प्रमाणित भए सांसद पद त्याग्न तयार रहेको घोषणा गरेका छन्।

सोमबार प्रतिनिधि सभाको बैठकमा बोल्दै सांसद शाहीले संसदमा रहेको स्वास्थ्य टोलीबाटै आफ्नो सम्पूर्ण शारीरिक र मेडिकल जाँच गर्न चुनौती दिए। ‘मेरो रगतदेखि छालासम्म परीक्षण गरियोस्, जन्मदेखि अहिलेसम्म मदिराको एक थोपा मात्र शरीरमा प्रयोग भएको भेटिए म राजीनामा दिन तयार छु,’ उनले भने।