सुगौली सन्धिको ‘ओरिजिनल’ दस्ताबेज भए/नभएको यकिन छैन: परराष्ट्रमन्त्री

सरकारसँग बेलायतसँग भएको सन् १८१६ को सुगौली सन्धि र सन् १९५० को नेपाल-भारत शान्ति तथा मैत्री सन्धिको औपचारिक ओरिजिनल दस्ताबेज भए/नभएको यकिन जानकारी नरहेको परराष्ट्रमन्त्री शिशिर खनालले बताएका छन्।

सोमबारको प्रतिनिधिसभा बैठकमा नेपाली कांग्रेसका सांसद निश्कल राईले सोधेको प्रश्नको जवाफ दिँदै परराष्ट्रमन्त्री खनालले ऐतिहासिक सन्धिहरूका आधिकारिक दस्ताबेजबारे सरकार स्वयं अनभिज्ञ रहेको स्वीकार गरेका हुन्।